Під облачком явір зелененький

Під облачком явір зелененький,
На нім сидить пташок примиленький,
Слухай, мила, як тот пташок співат,
Што з любови нич добре не биват.(2)

Ци та любов є од Бога дана,
А ци може дзяблом підшептана,
Хоц би-с не хтів, то мусиш любити,
Хоц би-с не міг, про то маш терпіти.(2)

Моя мила ти покусо єдна,
Любив я тя не рік, а ні не два,
Ци ми дала зілля ся напити,
Не мож, мила, ніяк без тя жити.(2)

Ми ворожка давно ворожила,
Што ня згубит дівка чорнобрива,
Што не буду видів за нев світа,
Аж проминут мої младе літа.(2)

Під облачком явір похилений.
Посмотр, мила, який вітр шалений,
Може вирве єго з коренями...
Мила моя, што то буде з нами ?!